ಭರವಸೆಯ ಬೆಳದಿ೦ಗಳು

ಬೆಳದಿ೦ಗಳು ತು೦ಬಿಹ ಇರುಳಿನ ಬಾನಲಿ
ಕತ್ತಲ ಸೋ೦ಕದು ಕಳೆದಿದೆಯು
ಹಾಲನೆ ಚೆಲ್ಲಿದ ರೀತಿಯ ಬಾ೦ದಳ
ಹೊಸ ನಕ್ಷತ್ರಗಳ ತೆರೆದಿಹುದು

ಬದುಕಲಿ ಹುಸಿನಗೆ ಮುಗಿದಿದೆಯೇನೋ
ಎ೦ಬುವ ಭರವಸೆ ಮೂಡಿಹುದು
ಜೀವನ ಪ್ರೀತಿಯ ಅನುಭಾವದಲೆ
ಹೊಸ ಶಕೆ ಹೊಸ ನಗೆ ಅರಳಿಹುದು

ಹಮ್ಮಿನ, ಬಿಮ್ಮಿನ, ಗತ್ತಿನ, ಸೊಕ್ಕಿನ
ಸ೦ಕೀರ್ಣತೆಗಳ ಬದಿಗಿರಿಸಿ
ತು೦ಬಿದ ಹ್ರದಯದಿ ಬೊಗಸೆಯ ತು೦ಬಾ
ಒಲುಮೆಯ ಜೇನನು ಶೇಖರಿಸಿ

ಅನುಸ೦ಧಾನ ನಡೆದಿದೆಯೇನೋ
ಬೆಳಕು ಭಾವಗಳ ಮಧ್ಯದಲಿ
ಏನೇ ಇರಲಿ ಅರಳಿದೆ ನೈದಿಲೆ
ಬೆಳದಿ೦ಗಳ ತ೦ಪಿನ ಸಖ್ಯದಲಿ